।।कविता।।
।। मामाची पोरगी।।
मामा तुमची पोरगी
आहे लई हुशार
तिला पाहून मी
झालो बघा बेजार ।। १।।
मामा तुमच्या पोरीला
विचारा नं जरा
कर म्हणावं माझा
विचार तु गं जरा ।। २।।
येऊ लागलेत स्थळं
मामा यंदा माझ्यासाठी
करा नं विचार थोडा
जरा आमच्या लग्नासाठी ।। ३।।
मामा तुमची पोरगी
आहे थोडीशी सावळी
कधी तक्रार करणार नाही
असुनसुद्धा जरा बावळी ।। ४।।
मामा तुमचा आता
वाढवू नका तोरा
तुमचा भाचा तुंम्हाला
ठेवायचा का हो कोरा ।। ५।।
मामा आता तुम्ही
जरा विचार करा
तिच्यापेक्षा मी थोडा
आहे ना हो गोरा ।। ६।।
मामा तुमच्या पोरीचा
हात द्या माझ्या हाती
मागच्या सारखीच पुढे सुद्धा
अशीच जपूयात नाती ।। ७।।
मामा तुमच्या पोरीने
दिला नकार मला
तर खरं सांगतो.. ! (आई शप्पथ!!
)
पळवून नेईल तिला ।। ८।।
मामा तुमच्या पोरीला
समजवा बघा जरा
मी आहे थोडा आवारा
पण्, संसार करील बरा.! । । ९।।
संगीता भांडवले
वाशी, उस्मानाबाद
myshikshankatta.blogspot.in
