बालकविता ।।सुट्टी।। खेळु दे न दादा मला आता आहे सुट्टी एवढ्याशाच कारणावरुन का करतोस कट्टी ।।१।। सा-या घरादाराचा तु आहेस कसा लाडका दोघांच्याही लाडात असा फरकच का? ।।२।। दादा तु खट्याळ अन् आहेस किती हट्टी बाबांनी काम सांगताच आईची नेतोस स्कुटी ।।३।। तुटकी खेळणी दे मला अन् नवीन घे तुला आता तरी दादा मला खेळु दे ना? ।।४।। समजाविते दादा तुला नको होऊस हट्टी रडु येतेय मला आता करु नको ना कट्टी ।।५।। शाळा सुरु होताच शाळेशी होईल गट्टी मन मोकळे खेळु दे ना आता आहे सुट्टी ।।६।। ...संगीता भांडवले-रणदिवे मु.अ.जि .प .प्रा .शा .शेंडी ता.वाशी जि .उस्मानाबाद Dnyaansanjivani.. blogspot. in