कविता,मी नाही मेकअप केला

।। मी नाही मेकअप केला।।
💄💋👑
(सर्व महिलांची माफी मागून, सणवार, लग्न सोहळा असो की हळदी कुंकाचा कार्यक्रम, नेहमीच स्त्रियांचा प्रेमळ व तक्रारवजा संवाद, मी नाही मेकअप केला😜😝😜)
घड्याळात वाजला *एक*
मुलांनी मागितला केक
केक करण्यात एक तास गेला
मी नाही मेकअप केला  ।। १।।

घड्याळात वाजले *दोन*
आईचा आला फोन
फोनवर बोलण्यात एक तास गेला
मी नाही मेकअप केला  ।। २।।

घड्याळात वाजले *तीन*
हरवली जावेची पीन
पीन शोधण्यात एक तास गेला
मी नाही मेकअप केला  ।। ३।।

घड्याळात वाजले*चार*
नंणंदेचे नखरे फार
नखरे पुरविण्यात एक तास गेला
मी नाही मेकअप केला ।। ४।।

घड्याळात वाजले *पाच*
मुलीने केला नाच
नाच बघण्यात एक तास गेला
मी नाही मेकअप केला  ।। ५।।

घड्याळात वाजले* सहा*
सास-याने मागितला चहा
चहा करण्यात एक तास गेला
मी नाही मेकअप केला ।। ६।।

घड्याळात वाजले *सात*
सासूने सांगितला भात
भात करण्यात एक तास गेला
मी नाही मेकअप केला ।। ७।।

घड्याळात वाजले *आठ*
आजेसासुने घेतला हरिपाठ
हरिपाठ घेण्यात एक तास गेला
मी नाही मेकअप केला ।। ८।।

घड्याळात वाजले*नऊ*
टपकली मावस जाऊ
जाऊ बाईंना बोलण्यात एक तास गेला
मी नाही मेकअप केला ।। ९।।

घड्याळात वाजले दहा
मिस्टर घरी आले पहा
मिस्टरला बोलण्यात एक तास गेला
मी नाही मेकअप केला ।। १०।।

घड्याळात वाजले *अकरा*
मी मारतोय चकरा
चकरा मारण्यात एक तास गेला
मी नाही मेकअप केला ।।११।।

घड्याळात वाजले *बारा*
घरात पडलाय पसारा
पसारा आवरण्यात एक तास गेला
मी नाही मेकअप केला  ।।१२।।

संगीता भांडवले
वाशी, उस्मानाबाद

कविता, मी नाही मेकअप केला

।। मी नाही मेकअप केला।।
💄💋👑
(सर्व महिलांची माफी मागून, सणवार, लग्न सोहळा असो की हळदी कुंकाचा कार्यक्रम, नेहमीच स्त्रियांचा प्रेमळ व तक्रारवजा संवाद, मी नाही मेकअप केला😜😝😜)
घड्याळात वाजला *एक*
मुलांनी मागितला केक
केक करण्यात एक तास गेला
मी नाही मेकअप केला  ।। १।।

घड्याळात वाजले *दोन*
आईचा आला फोन
फोनवर बोलण्यात एक तास गेला
मी नाही मेकअप केला  ।। २।।

घड्याळात वाजले *तीन*
हरवली जावेची पीन
पीन शोधण्यात एक तास गेला
मी नाही मेकअप केला  ।। ३।।

घड्याळात वाजले*चार*
नंणंदेचे नखरे फार
नखरे पुरविण्यात एक तास गेला
मी नाही मेकअप केला ।। ४।।

घड्याळात वाजले *पाच*
मुलीने केला नाच
नाच बघण्यात एक तास गेला
मी नाही मेकअप केला  ।। ५।।

घड्याळात वाजले* सहा*
सास-याने मागितला चहा
चहा करण्यात एक तास गेला
मी नाही मेकअप केला ।। ६।।

घड्याळात वाजले *सात*
सासूने सांगितला भात
भात करण्यात एक तास गेला
मी नाही मेकअप केला ।। ७।।

घड्याळात वाजले *आठ*
आजेसासुने घेतला हरिपाठ
हरिपाठ घेण्यात एक तास गेला
मी नाही मेकअप केला ।। ८।।

घड्याळात वाजले*नऊ*
टपकली मावस जाऊ
जाऊ बाईंना बोलण्यात एक तास गेला
मी नाही मेकअप केला ।। ९।।

घड्याळात वाजले दहा
मिस्टर घरी आले पहा
मिस्टरला बोलण्यात एक तास गेला
मी नाही मेकअप केला ।। १०।।

घड्याळात वाजले *अकरा*
मी मारतेय चकरा
चकरा मारण्यात एक तास गेला
मी नाही मेकअप केला ।।११।।

घड्याळात वाजले *बारा*
घरात पडलाय पसारा
पसारा काढण्यात एक तास गेला
मी नाही मेकअप केला  ।।१२।।
संगीता भांडवले
वाशी, उस्मानाबाद

होळी पेटवून कच-याची

*होळी पेटवून कच-याची! *

*जि प प्रा शाळा कवडेवाडी (वरची)ता.वाशी* येथे पर्यावरण पूरक कच-याची होळी'हा सण साजरा केला.
आज सर्व सोशल मीडियावर होळीचे काऊंट डाउन सुरु आहे. त्यात सर्व जण दंग होवून'होली है'म्हणत एकमेकांना कोपरखळ्या ही मारत आहेत तर काहीजण प्रेमाचे चार शब्दही अर्पण करत आहेत. सध्या प्रत्येक गावात,, गल्ली बोळात, मोठमोठ्या रस्त्यावर एवढेच नव्हे तर माणसांच्या मनामनात ही कचरा साठला आहे. त्याचे प्रदुषण होण्याआधी तो जाळुन टाकूया, असे म्हणत आज २० मार्च च्या होळीत हा कचरा पेटवून सारा निसर्ग स्वच्छ, निर्मळ करुया याच ध्येयाने जि प प्रा शाळा कवडेवाडी वरची ता वाशी येथील विद्यार्थी व सतत नाविन्याचा ध्यास  असणा-या उपक्रमशील शिक्षिका श्रीमती संगीता भांडवले व श्रीमती सूर्यवंशी अर्चना यांनी या उपक्रमाची सुरुवात स्वत: पासुन करत समाजापुढे एक आदर्श ठेवला आहे. शालेय परिसरातील कच-याची होळी करून होळी  हा सण 'काल आणि आज'तो साजरा करण्याची पद्धत व होळी या सणाचे  महत्त्व विद्यार्थ्यांना  सांगण्यात आले.
    बदलत्या काळानुसार सण-उत्सव पारंपरिक पद्धतीने साजरा करण्यापेक्षा त्यात नाविन्याची भर पडली पाहिजे. पर्यावरणाचे रक्षण केले पाहिजे. होळीसाठी मोठमोठ्या झाडांची कत्तल करून होळी पेटवण्यापेक्षा कच-याची होळी करा. वाईट विचारांची होळी करा. होळी मध्ये पुरणपोळी टाकण्याऐेवजी गरजु व भुकेल्यास ती पोळी दान करा. कुपोषण रोखण्यासाठी हातभार लावा. असा संदेश देत  आज होळी महोत्सव आमच्या शाळेत साजरा केला.

शब्दांकन
श्रीमती संगीता भांडवले
प्र. मु. अ. प्रा शाळा कवडेवाडी वरची
ता वाशी जि उस्मानाबाद

साहित्यिकांची टोपण नांवे

🔸! साहित्यिकांची टोपणनावे !🔸

🌀टोपणनाव----------------लेखक🌀

अनंत फंदी-------शाहीर अनंत घोलप
अनंततनय-------दत्तात्रय अनंत आपटे
अनिरुध्द पुनर्वसू-------नारायण गजानन आठवले
अनिल-------आत्माराम रावजी देशपांडे
अमरशेख-------मेहबूब पठाण
अज्ञातवासी-------दिनकर गंगाधर केळकर
आनंद-------वि.ल.बर्वे
आरती प्रभु-------चिंतामण त्र्यंबक खानोलकर
काव्यविहारी-------धोंडो वासुदेव गद्रे
कुंजविहारी-------हरिहर गुरुनाथ कुलकर्णी
कुमुद-------स.अ.शुक्ल
कुसुमाग्रज-------वि.वा.शिरवाडकर
कृष्णकुमार-------सेतू माधव पगडी
केशवकुमार-------प्र.के. अत्रे
करिश्मा-------न.रा.फाटक
केशवसुत-------कृष्णाजी केशव दामले
गदिमा-------ग.दि.माडगुळकर
गिरीश-------शंकर केशव कानेटकर
ग्रेस-------माणिक शंकर गोडघाटे
गोल्या घुबड-------विष्णुशास्त्री चिपळूणकर
गोविंद-------गोविंद त्र्यंबक दरेकर
गोविंदाग्रज-------राम गणेश गडकरी
चंद्रिका /चंद्रशेखर-------शिवराम महादेव गो-हे
चारुता सागर-------दिनकर दत्तात्रय भोसले
छोटा गंधर्व-------सौदागर नागनाथ गोरे
बालगंधर्व-------नारायणराव राजहंस
जीवन-------संजीवनी मराठे
ठणठणपाल/अलाणे-फलाणे-------जयवंत दळवी
तुकडोजी महाराज-------माणिक बंडोजी ब्रम्हभट्ट
संत तुकाराम-------तुकाराम बोल्होबा अंबिले
तुकाराम शेंगदाणे-------ज्ञानेश्वर नाडकर्णी
दत्त (कवी)-------दत्तत्रय कोंडदेव घाटे
द्या पवार (कवी)-------दगडू मारुती पवार
जागल्या (कथालेखक)-------दगडू मारुती पवार
दक्षकर्ण-------अशोक रानडे
दादुमिया-------दा.वि.नेने
दासोपंत-------दासोपंत दिगंबर देशपांडे
दिवाकर-------शंकर काशिनाथ गर्गे
दिवाकर कृष्ण-------दिवाकर कृष्ण केळकर
धनुर्धारी-------रा.वि.टिकेकर
धुंडिराज-------मो.ग.रांगणेकर
नागेश-------नागेश गणेश नवरे
नाथमाधव-------व्दारकानाथ माधवराव पितके
निशिगंध-------रा.श्री.जोग
नृसिंहाग्रज-------ल.गो.जोशी
पद्मा-------पद्मा विष्णू गोळे
पराशंर-------लक्ष्मणराव सरदेसाई
पी.सावळाराम-------निवृत्ती रावजी पाटील
पुष्पदंत-------प्र.न.जोशी
प्रफुल्लदत्त-------दत्तात्रय विष्णू तेंडोलकर
प्रभाकर (शाहीर)-------प्रभाकर जनार्दन दातार
फडकरी-------पुरूषोत्तम धाक्रस
फरिश्ता-------न. रा. फाटक
बाकीबा-------बाळकृष्ण भगवंत बोरकर
बाबा कदम-------वीरसेन आनंद कदम
बाबुराव अर्नाळकर-------चंद्रकांत सखाराम चव्हाण
बाबुलनाथ-------वि.शा.काळे
बालकवी-------त्र्यंबक बापूजी ठोंबरे
बाळकराम (विनोदासाठी)-------राम गणेश गडकरी
बी-------नारायण मुरलीधर गुप्ते
बी रघुनाथ-------भगवान रघुनाथ कुलकर्णी
बंधुमाधव-------बंधु माधव मोडक (कांबळे)
भटक्या-------प्रमोद नवलकर
भाऊ पाध्ये-------प्रभाकर नारायण पाध्ये
भानुदास-------कृष्णाजी विनायक पोटे
भानुदास रोहेकर-------लीला भागवत
भालचंद्र नेमाडे-------भागवत वना नेमाडे
मकरंद-------बा.सी.मर्ढेकर
मंगलमूर्ती-------मो.ग.रांगणेकर
मनमोहन-------गोपाळ नरहर नातू
लोककवी श्री मनमोहन-------मीनाक्षी दादरकर
माधव ज्युलियन-------माधव त्र्यंबक पटवर्धन
माधवानुज-------डॉ. काशिनाथ हरि मोडक
मामा वरेरकर-------भार्गव विट्ठल वरेरकर
मधू दारूवाला-------म.पा.भावे
मिलिंद माधव-------कॅ. मा कृ. शिंदे
मुक्ताबाई (संत)-------मुक्ताबाई विठ्ठल कुलकर्णी
मोरोपंत-------मोरेश्वर रामचंद्र पराडकर
मंडणमित्र-------द.पा.खंबिरे
यशवंत-------यशवंत दिनकर पेंढारकर
यशवंत दत्त-------यशवंत दत्ताजी महाडिक
रघुनाथ पंडित-------रघुनाथ चंदावरकर
रमाकांत नागावकर(गंधर्व)-------बळवंत जनार्दन करंदीकर
रसगंगाधर-------गंगाधर कुलकर्णी
राजा ठकार-------नारायण गजानन आठवले
राजा मंगळवेढेकर-------वसंत नारायण मंगळवेढेकर
राधारमण-------कृष्ण पांडुरंग लिमये
रा. म. शास्त्री-------वि.ग कानिटकर
रूप-------प्रल्हाद वडेर
रे. टिळक-------नारायण वामन टिळक
लता जिंतूरकर-------लक्ष्मीकांत तांबोळी
लक्ष्मीनंदन-------देवदत्त टिळक
लोकहितवादी-------गोपाळ हरि देशमुख
वनमाळी-------वा.गो.मायदेव
वसंत बापट-------विश्वनाथ वामन बापट
वसंत सबनीस-------रघुनाथ दामोदर सबनीस
वामन पंडित-------वामन नरहर शेखे
विजय मराठे-------ना.वि.काकतकर
विंदा करंदीकर-------गोविंद विनायक करंदीकर
विनायक-------विनायक जनार्दन करंदीकर
विनोबा-------विनायक नरहर भावे
विभावरी शिरुरकर-------मालतीबाई विश्राम बेडेकर
विष्णुदास-------नरहर सदाशिव जोशी
वशा-------वसंत हजरनीस
विष्णुबुवा ब्रम्हचारी-------विष्णु भिकाजी गोखले.

संकलन
संगीता भांडवले

कविता ।।समजून घे ना मला।।

विषय: समजुन घे ना

समजुन घे ना मला....
मी रागावल्यावर
जगु या आनंदाने
दिल्या घेतल्या वचनावर

समजुन घे ना मला.....
ठेव माझ्यावर विश्वास
अजुनही तुच प्रिया
माझ्या जगण्याचा श्वास

समजुन घे ना मला.....
जशा जपल्या भावना
मैत्रीचा करुन त्याग
रोखलेस ह्रदय स्पंदना

समजुन घे ना मला......
माझ्या श्वासाची झाली कोंडी
येना तु  कधीही समोर अचानक
सर्व कामालाही मारेल दांडी

समजुन घे ना मला.....
माझ्या ओठांवरील शब्दांना
चेह-याच्या  रंगाला अन्
नजरेत लपवलेल्या थेंबाला

समजुन घे ना मला....
माझ्या निरागस हास्याला
तुझ्या इच्छेप्रमाणे तुला
मुक्त करतेय स्वच्छंदी जगण्याला

🖋संगीता भांडवले🖋
वाशी, उस्मानाबाद
©®

रेशीम प्रकल्पास क्षेत्रभेट

My school -My Activity-2018-19
🌷*रेशीम प्रकल्पास क्षेत्र भेट*🌷
(वनभोजन ट्रिप, निसर्ग 🌿🍃,शाळा🏫, दप्तराविना 🎒शाळा)
जि प प्रा शाळा कवडेवाडी व ता वाशी जि उस्मानाबाद
दि. ११/०२/२०१९

🌹🌹🌹🌹🌹🌹🌹🌹🌹🌹🌹🌹🌹🌹
आज रोजी श्री संघपाल सुकाळे व बाळासाहेब सुकाळे यांच्या शेतात 'रेशीम प्रकल्पास क्षेत्र भेट'दिली.श्री व सौ सुकाळे यांनी विद्यार्थ्यांचे शाब्दिक सुमनाने स्वागत केले. श्री सुकाळे सर यांनी या प्रकल्पाची सविस्तर माहिती दिली. विद्यार्थ्यांनी लक्ष पुर्वक माहिती ऐकली. काही प्रश्न विचारले. तुतीची झाडे व  लागवड, अळी च्याअवस्था, कोश कसा तयार होतो याची जिज्ञासू पणे माहिती जाणून घेण्यासाठी प्रत्येक विद्यार्थी धडपडत होता. अळी ला हात लावत होता. काहींनी तर कोश हातात घेऊन पाहिले. या  सर्व प्रात्यक्षिकानंतर मुलांना जाम भुक लागली होती. येताना सुकाळे सर यांनी जिलेबी व फरसाण अल्पोपहारासाठी आणले होते. मुलांनी यावर यथेच्छ ताव मारला. श्री व सौ आशा दशरथ काळे ही आमच्या मदतीला होतीच. थोडे झाडांच्या सावलीत विश्रांती घेऊन, गाणी गोष्टी करत आमचा मोर्चा श्री निशिकांत विधाते यांच्या शेतात वळला. जवळ च यांचे घर. दोन दिवसापुर्वी आम्ही तुमच्याकडे वन भोजनासाठी येणार आहोत, डबे आम्ही आणतोय तुम्ही फक्त पिण्याच्या पाण्याची सोय करा. एवढाच निरोप आम्ही दिला. पण यांनी ही आमच्या चिमुकल्या साठी पिण्याचे स्वच्छ पाणी, पोहे व गुलाब जामुन असा बेत केला. मुलांचे डबे, शा. पो. आहार व मुख्याध्यापक श्रीमती भांडवले संगीता यांनी ही जिलेबी आणलेली. मुलांच्या आनंदाला उधाण आले होते. झाडांच्या सावलीत कविता, गाणी ,खेळ असे विविध प्रकारचे उपक्रम घेऊन आज.. वनभोजन, निसर्ग शाळा, दप्तराविना शाळा असे विविध उपक्रम राबवल्याचे समाधान वाटले. या सर्व कामी श्रीमती सूर्यवंशी मॅडम(सहसिक्षिका),सौ शालनताई(स्वयंपाकी), सौ विधाते ताई व त्यांचा परिवार, सौ सुंदरबाई विधाते(आशा) यांचे मोलाचे योगदान लाभले.

शब्दांकन
श्रीमती संगीता भांडवले
मुख्याध्यापिका
जि प प्रा शाळा कवडेवाडी व
ता वाशी जि उस्मानाबाद

चारोळी

आठवणीत द्यावी
अश्रुना मोकळी वाट
डोळ्यात जपावा
दिलेल्या शब्दांचा पाट

🖊संगीता भांडवले🖊
     वाशी,उस्मानाबाद
        ©